जाईजुईचा वेल पसरला दाट, ……….रावां बरोबर बांधेल जीवनाची गाठ.

सासू सासऱ्यांच्या छायेत, मला नाही काही कमी, …………… राव हेच माझ्या, सर्वस्वाचे स्वामी.

उखाणा घे उखाणा घे, करू नका गलबला, पूर्वपुण्याईने ………….. रावां सारखे पती लाभले मला.

लग्नाचे बंधन,जन्माच्या गाठी, ………… रावांचे नाव घेते तुमच्यासाठी.

प्रेमाच्या रेशीम धाग्यांनी, सौख्य मी विणले, ……….. रावांच्या साथीने, जीवनपुष्प बहरले.

लग्नमंडपात निनादतात सनईचे सूर, ……… रावां च्या साठी आई वडिलांचे घर केले दूर.

संसाररुपी सागरात प्रेमरुपी सरोवर, आयुष्याचा प्रवास करते ……… रावांबरोबर.

चांदीच्या ताटात मुठभर गहू, लग्नच नाही झाल तर नाव कस घेऊ.

माझ्या हृदयाला कान लावून, आवाज ऐकतो तो, ………….. रावांना आज लग्नासाठी, सर्वांसमोर बोलते हो.

नवीन वर्ष आले, आतातरी करूया लग्न, …………. राव मला, आपल्या संसारात व्हायचं आहे मग्न.